það eru ekki verðlaun í boði

fyrir að finna mig á þessari mynd.

Dagurinn í dag hefur verið frábær. Hef eytt honum mest með Hjalla mínum bestastrák.

Hann kom með mér að hitta hana Ásthildi Cesil -það var æði að hitta hana loksins...Þar er skilningur án orða.

Svo fórum við í Elko til að kaupa mp3 spilara í ræktina- fékk tvo til að gefa Steinari einn. Hann veit það ekki ennþá haha...

Hjalli hjálpaði mér svo að elda matinn og við höfum lokið við að borða...

 

Ætlaði aðallega að grínast með þessa mynd :)

Guðmundur ekki í efstu sætum

smooth criminal

Set þetta inn til eintómrar gleði. Hann var auðvitað langflottastur hann Mikki.

Mér finnst vera orðið svo mikið vor eða þannig í lofti. Við kettirnir horfðum á glaða fugla áðan á pallinum okkar, eða þar til Tumi ákvað að skoða þá betur. Fuglar ekki hressir með það og flugu upp á þak hjá Sigrúnu. Tumi alveg bit auðvitað.

Hér heima gengur allt alveg frábærlega...ég er farin í ræktina og Steinar líka. Hittum einkaþjálfara í gær og fengum plan hjá honum og fitumælingu. Í raun er ég mun verr á mig komin en Steinar. Það er spes. En allaveganna þá hef ég þyngst um 2.5 kg síðan ég byrjaði haha..Það eru líka komnir vöðvar á hina og þessa staði. Við héldum fyrst að við yrðum allra karla og kellinga elst þarna en nei nei við erum það hreint ekki og vekjum heldur ekki neina eftirtekt vegna óvenju slæms útlits og svona. Þetta er fín líkamsræktarstöð, hrein og í góðu lagi. Við förum fimm sinnum í viku, alla virka daga. Þetta má þakka Hjalta. Hann er í ræktinni og dró okkur með sér. Hann hefur ekkert komist þessa vikuna. Hann var að klára ökuskólann. Það eru hundrað jákvæðir hlutir að gerast. Hann var nú krútt við mömmu sína þegar mamman sat alveg í fári yfir myndbandinu sem ég skrifaði um hér á undan. Þegar Hjalli kom heim þá var Steinar búinn að segja honum og mamman fékk stórasta knúsið í heiminum öllum. Mömmur hressast alltaf við svoleiðis knús ....óhjákvæmilegt.

Nú njótum við góða veðursins meðan það varir.

Óheppileg tilviljun ?

MBL menn fjarlægðu myndbandið eftir að Steinar talaði við þá. Fyrir það er ég þakklát...

 

 

Ég veit það ekki- en ég er fokill yfir þessu. Þarna er eftirförin á eftir Himma heitnum. Ég hefði viljað að hann fengi að hvíla í sinni gröf í friði, einhverntímann !!

þetta er ekki færsla

heldur meira svona tilkynning...

ég er komin á gömlu síðuna. Það er tengill á hana hér til hliðar.

Veðurhræðsla

á til að grípa mig, nú bý ég á strönd og akkurat núna er þungur þytur í hafinu, þung aldan. Áðan gekk þrumuvedur yfir Grindavík. Spáð er roki.

Ég er ekki í stuði fyrir svona veðurfar, er upptekin af spennufalli og er enn í náttkjólnum. Engu breytir þó að um nýjan náttkjól sé að ræða. Athyglisbresturinn allsráðandi og minnið í náttborðsskúffunni. Ég á að vera að prjóna telpupeysu en það gengur hægt þar sem ég hef snúið baki í prjónana í morgun. Núna heillengi hefði ég þurft að skreppa afsíðis en hef ekki fundið orkuna til að standa upp. Keli horfir á mig, hann þarf líka út. Hann þraukar með að sofa.

Næst er að finna til mat fyrir kallana mína.

Það góða við minnisleysið er þó að ég mun ekki muna eftir þessum bömmer sem hefur hrjáð mig í dag !

Í dag hef ég helst glatt mig við að lesa blogg sem er skrifað á svo fallegri íslensku að ég er með viðvarandi gleði-gæsahúð. Mér leiðist þegar fólk kemur ekki .....nei ég ætla ekki að skrifa um það.

 

segir fátt af einum og þó

lífið er þversögn

á tölvu sem flýtir sér hægt
tær sem eru kaldar
kisustrák sem borðar brauð
kall sem steinsefur
strák sem heimsmeistaragóður
og annan sem sefur
sá þriðji sefur hinn lengsta blund

lífið er stundum gott

Núna er síðasti dagurinn hans runninn upp, í fyrramálið klukkan 8 verður hann sóttur og ekið með hann hingað heim, eins beina leið og hægt er á drossíu. Mikið hlakkar okkur öll til.

Ég hef verið að lesa og hef nýlokið við bók Böðvars Guðmundssonar, Enn er morgun. Þessi bók er alger snilld og nú hef ég einsett mér að reyna að verða mér úti um hinar sem hann hefur skrifað. Þær heita (að mig minnir) Híbýli vindanna og Lífsins tré.

Ég kom bara í snögga heimsókn

í dag er föstudagur

Á morgun kemur laugardagur, svo sunnudagur og þar á eftir mánudagur. Þessi færsla er ,þó ótrúlegt virðist, ekki skrifuð til að hressa upp á kunnáttu ykkar í röð vikudaganna. Dagurinn á eftir þessum sem ég nefndi er þriðjudagurinn 19 janúar. Þann dag mun minn strákur labba löglegur út af Vernd og koma heim til mömmu sinnar. Hann hefur þegar hafið nýjan kafla í sínu lífi. Hann fer í ræktina og á fundi. Hann hefur líka glatt alla sem að honum koma og sýnt kerfinu að stundum má gefa séns, sumir nýta sér það alveg. Kerfið sveigðist og beygðist fyrir hann og þeir eiga heiður skilinn, þeir sem að hans málum komu. Hann hefur starfað í Laugarneskirkju á meðan hann hefur verið þarna og það hefur einfaldlega gert ótrúlega hluti fyrir hann. Hann langar að halda áfram að starfa þar meðan hann hefur ekki launaða vinnu.

Það er hrein skelfing að horfa á fréttamyndir frá Haiti. Í næstu færslu fyrir neðan kemur fram söfnunarsími og í athugasemdum kemur að síminn mun gefa 79 krónurnar áfram til RKÍ. Það er gott. En ég hvet þá sem ekki hafa hringt að hringja í 904 1500. Það munar um allt. Ég fylltist einhverju þjóðernisstolti í morgun þegar ég skoðaði forsíðumynd moggans. Þar eru okkar menn að bjarga fólki.

Ég man ekki hvort ég ætlaði að skrifa eitthvað meira...held ekki. Er svo upptekin við að telja dagana að ég er alveg beside my self....

Þetta er best í heimi- hafa alla í lagi...jeyj...

Hringið í 904 1500

og á meðan þið veljið númerið þá getið þið skoðað myndirnar sem ég var að setja inn, nýtt albúm sem heitir eldhúsmyndir

Aðþrengd (eigin) kona

Sko

ég sem strengdi ekki áramótaheit frekar en vant er, ákvað þó að rétt væri að setja sér ákveðið lífsstílsviðmið fyrir þetta ár sem er nú komið á skrið.

Miðið var að hugsa jákvætt og reyna að eyða orkunni ekki í neikvæða hluti.

En nú er ég aðþrengd.

Get ekki lesið blöðin

Get ekki horft á erlendar fréttastofur

og get bara alls ekki verið hér á blogginu.

...........spurning að heimta bara afturhvarf til fortíðar. Saga sundur netstrenginn og eiga bara samskipti við fólk eftir skipaferðum. Það hefði nú verið heppilegt nú, við hefðum ekkert vitað um pirring breta og hollendinga fyrr en í vor !

Ég er hinsvegar vog og hef ekki hugmynd um hvað mér finnst ..!

(Jú mér finnst kalt !)

 

 

 

Nágrannar

eru ágætir.

Minn liggur nú um stundir undir feldi.

Þjóðin bíður í ofvæni.

Ég er bara mest að hugsa um að honum verður þó allaveganna ekki kalt á meðan.

Hugsa jákvætt

Ekki ?